Во Газа официјално прогласенa глад: Над половина милион луѓе во животна опасност

Во гуверноратот Газа, кој ги опфаќа градот Газа и околните подрачја, официјално е потврдено постоење на глад, според меѓународниот систем за следење на светскиот глад и безбедноста на храната.

Скалата, која ја поддржуваат Обединетите нации, позната како Интегрирана класификација на фази на безбедност на храна (IPC), ја зголеми својата проценка за гуверноратот Газа на Фаза 5 – што претставува највисоко ниво, означено со глад, крајна сиромаштија и смрт.

Иста класификација се предвидува и за областите Деир ал-Балах и Кхан Јунис до крајот на септември, со што би биле опфатени повеќе од 500.000 луѓе низ цела Газа.

Дополнително, уште 1,07 милиони луѓе – или 54% од населението на Газа – се класифицирани во Фаза 4, односно „вонредни“ услови, додека 396.000 луѓе (20%) се во Фаза 3, односно „кризни“ услови.

Фотографиите и извештаите од терен го потврдуваат критичното здравствено и прехранбено страдање, особено кај децата и хронично болните. Според сведоштва, болниците се преполни, а хуманитарната помош е недоволна и често доцни или воопшто не пристигнува.

Оваа состојба се оценува како најтешка хуманитарна криза во регионот во последните децении, со итен апел од страна на ОН, Светската програма за храна (WFP) и други организации за итна интервенција, прекин на опсадата и безбеден хуманитарен коридор.

Share on Facebook

Tweet

Follow us

Save