Во германските ресторани и хотели моментално недостигаат повеќе од 65.000 вработени

Во германските ресторани и хотели моментално недостигаат повеќе од 65.000 вработени, објави здружението на угостители Дехога.

Недостигот од вработени, според месечните анкети, е постојан проблем за индустријата, велат од здружението за ДПА.

„Федералната агенција за труд објави 33.160 работни места во угостителската индустрија за јуни. Сепак, претпоставуваме дека вистинската побарувачка е најмалку двојно поголема, бидејќи многу фирми повеќе не ги пријавуваат своите слободни работни места“, рече Сандра Варден, експерт за пазарот на труд од Дехога.

Варден посочи на бројки од јуни 2019 година, кога беа пријавени речиси 40.000 слободни работни места.

„И како што знаеме, проблемот се влоши оттогаш (во екот на пандемијата)“, рече Варден.

„Особено сега со празничната сезона и зголемениот интерес за туристичките дестинации, потребата продолжува да расте“, рече таа.

Во меѓувреме, гастрономскиот бизнис се справи со ситуацијата најдобро што можеше. „Има објекти кои поради недостиг на вработени се принудени да го скратат работното време, да затвораат во одредени денови или да ја ограничат понудата во менито.

Некои ресторани почнаа да воведуваат повеќе самопослужување.

Дехога се надева дека брзо ќе се почувствуваат ефектите од законот за квалификувана работна сила од странство и дека бегалците полесно ќе се вработат.

Дополнително, здружението повика на кампања за обука за повеќе вештини и повеќе да се вреднуваат практичните професии и вештини.

Угостителството е една од областите во кои работат повеќето Балканци во Германија, а просечните плати се движат од 2.000 до 3.000 евра.

Еве пример за просечни плати во Германија за најчестите позиции во рестораните:

Келнер: до 3.750 евра

Готвач: до 6.500 евра

Пекар: до 4.000 евра

Рецепционер: 1.700 евра

Менаџер за настан: 3.500 евра

Работниците во угостителството често добиваат бакшиш и бесплатен оброк за време на работното време, а има и поволности како што се флексибилни часови и можности за напредување во кариерата.

Share on Facebook

Tweet

Follow us

Save