Во Грција се казнува и за бавно возење

Грчкиот сообраќаен закон предвидува многу казни, вклучително и за возачи кои возат премногу бавно. Казната, која е 30 евра, се изрекува затоа што бавниот возач го попречува сообраќајот. Кај нашиот јужен сосед, на автопатите постои ограничување не само за максималната брзина, туку и за минималната.

Ако возите по автопати и експресни патишта, не треба да паднете под 70 км на час. Ако возилото не може да одржи таква брзина, мора да се „премести“ на друг пат по кој може да се движи побавно. Знакот за минимална брзина е кружен, со сина позадина, бројот е во бела боја.

Според член 23 од законот, возачите не смеат да го попречуваат нормалниот сообраќај. Прекршокот се евидентира кога возачот се движи невообичаено бавно без основана причина. Секако, се предвидени и исклучоци. Казна не се изрекува ако патот е во лоша состојба и возачите се принудени да возат побавно. Неповолните временски услови се исто така оправдана причина, како и густиот сообраќај, каде што намалувањето на брзината е неизбежно.

Share on Facebook

Tweet

Follow us

Save