INFOMAX.MK

Изјавите на Русија и Западот се максимални изјави кога се во прашање претстојните преговори, на сите им е јасно дека мора на крај да се дојде до некаков компромис, вели Дарко Тодоровски во денешната епизода на Тешки муабети, коментирајќи ја изјавата на Лавров дека руското барање е НАТО да се врати во границите пред 1992 година, што практично значи излегување на Макеоднија од Алијансата.

Во однос на влијанието на конфликтот врз Балканот и директно врз Македонија Тодоровски смета дека конфликт на Балканот е практично неизбежен.

– Она што е интересно е дека Македонија секогаш имала централна улога на Балканот и македонското прашање е централно на Балканот, ама во последно време актуелен е конфликтот Грција-Турција. Ако избувне тој конфликт тоа ќе го смени целиот Балкан и териториите на Блаканот. Некој мисли дека доколку Ердоган замине ќе се смени политиката на Турција, тоа е илузија, тие си имаат национален интерес и мислам дека е релана изјавата на Ердоган дека една вечер ќе дојдат во Грција и ќе си го земат своето.

Интересна е и играта околу Србија, Западот ја сака Србија во НАТО, а тука е и конфликтот со Косово.

Мислам дека тешко е да се затворат некои прашања на Балканот и сметам дека е неизбежен конфликт на Балканот, нагласи Тодоровски.

Тој на крај додаде дека во Македонија има еден вид на цензура и дека во војна секогаш вистината е некаде на средина, но дека му е драго што постојат медиуми кои ги пренесуваат двете страни.