INFOMAX.MK

Александров од млади години се вклучува во МРО, но неговата револуционерна дејност почнува да се забележува после 1905-1905 година, за време на балканските војни и особено во 1918 година. ВМРО како организација не постоела, но постоеле комитски чети кои дејствувале за време на Балканските војни, објасни денеска во гостување во „Тешки муабети“ професорот Никола Жежов кој по повод 100-годишнината од смртта на Александров ја објави најновата монографија посветена на Александров, со посебен акцент на неговото убиство.

– Во периодот од 1915 до 1918 година многу Македонци се приклучиле на 11 дивизија благодарение токму на Тодор Александров, но бугарската држава ги гонела и Александров и останати дејци за таканаречената „голема национална катастрофа“ на Бугарија, поради што Александров дејствувал во илегала и се борел за создавање на автономна Македонија. Александров ги продолжил традициите на Илинденците, истакнува професорот Жежов кој додава дека ВМРО на Тодор Александров е во војна со владата на Александар Стамболиски во Бугарија. Дополнително, додава професорот Жежов, не постои ниту еден доказ дека Александров соработувал со бугарската Влада.