Во недела ќе бидат блокирани улици во Ѓорче Петров – детали

„Ве известуваме дека на ден 12.11.2023 година /недела/ Јавното претпријатие „Улици и патишта“-Скопје, ќе изврши монтажа на нови портални и конзолни семафорски столбови, како и нова семафорска инсталација на крстосницата улица Ѓорче Петров со улица Знеполе“, велат од претпријатието

Тие додаваат:

Поради изведба на активностите за монтажа во периодот од 8 до 11 часот, сообраќајот ќе биде комплетно затворен на потегот од крстосницата улица Ѓорче Петров со улица Македонски Војски до крстосницата на улица Ѓорче Петров со улица Никола Пускаров (семафорите кај старата општина Ѓорче Петров). Пренасочувањето на сообраќајот ќе биде на улицата Борис Сарафов и на овие локации како и на сите останати внатрешни приоди ќе биде поставена соодветна сигнализација.

Апелираме до граѓаните за трпеливост во сообраќајот до завршување на активностите за монтажа на новите семафори.

Share on Facebook

Tweet

Follow us

Save