Во понеделник нов обид на опозициските парламентарни групи за Изборниот законик

Изборниот законик е уште една лага на премиерот Христијан Мицкоски обвинија од опозицијата. За СДСМ електронското гласање без контрола или гласањето преку пошта без соодветни гаранции е опасно.

Партискиот портпарол Богданка Кузевска вели дека ваквиот модел на гласање кое го предлага власта отвора простор за масовна изборна кражба.  

Владеачката ВМРО ДПМНЕ пак очекува заедничко предлог решение од опозицијата за Изборниот законик – кое ќе го усогласат, доколку во него биде вклучено гласањето на дијаспората. 

Премиерот Мицкоски вели дека е подготвен од опозицијата да прифати бланко решение и за изборните единици и за начинот на финансирање на партиите. 

Од СДСМ порачаа дека нема да дозволат изборен грабеж. ВМРО ДПМНЕ пак потсети дека  15 јули е крајниот рок за исполнување на обврските поврзани со реформите оценувајќи дека прашањето е премногу важно за да стане предмет на политички пресметки. 

Share on Facebook

Tweet

Follow us

Save