Во светот на бајките: Ковачев уверува дека во Македонија има над 120.000 Бугари

Бугарскиот европратеник Андреј Ковачев повторно вели дека во Македонија има многу поголем број на Бугари од она што го покажал пописот. 

„Сите историски извори велат дека најголемиот етнички дел на Македонија се Бугари. По потекло има стотици илјади – над 120-130.000 со бугарско државјанство“, изјави Андреј Ковачев, пренесе „Труд“.

Вчера во Европскиот парламент имаше “караница” помеѓу министерот за надворешни работи на Македонија, Бујар Османи и бугарските европратеници токму по ова прашање.

Министерот Османи сепак истакна дека за Македонија релевантни се податоците од последниот попис на кој има околу 3.400 Бугари.

Share on Facebook

Tweet

Follow us

Save