INFOMAX.MK

Владата на Сингапур денеска соопшти дека секој што во јавноста носи симболи поврзани со војната меѓу Израел и палестинската милитантна група Хамас може да биде уапсен и да заврши во притвор, објаснувајќи дека војната меѓу Израел и Хамас е „емоционален конфликт“ со потенцијал да „го наруши националниот мир“ во земјата.

Министерството за внатрешни работи на Сингапур соопшти дека законите на земјата забрануваат истакнување или носење на странски национални амблеми, вклучувајќи знамиња и транспаренти на која било земја, пренесува АП.

Министерството исто така предупреди дека нема да биде оправдано „промовирање или поддршка на тероризам“ со прикажување облека или додатоци со логото на терористички или милитантни групи како Хамас.

Оние кои се осудени за истакнување странски симболи се соочуваат со затворска казна до шест месеци или парична казна до 370 долари или и двете.

На патниците кои пристигнуваат во Сингапур кои не ги почитуваат овие правила може да им биде забранет влезот во земјата, соопшти агенцијата.