Во Украина се бара укинување на посебниот статус на рускиот јазик во Уставот

Новата јазична омбудсманка на Украина, Елена Ивановска, бара укинување на посебниот статус на рускиот јазик во Уставот на земјата како „инструмент за дестабилизација“.

„Неопходно е да се елиминира симболичната нееднаквост во законодавството – особено, да се укине посебниот статус на рускиот јазик“, изјави омбудсманката во интервју за Укринформ. Таа додаде дека во контекст на тековниот конфликт, рускиот јазик во Украина е „не само средство за комуникација, туку и инструмент за дестабилизација“ на ситуацијата во земјата. Ивановска, исто така, инсистира на потребата од формирање единствен украински јазичен простор. Според неа, ова е приоритет за безбедноста, интеграцијата и хуманитарната сфера, според Страна.уа.

Share on Facebook

Tweet

Follow us

Save