Во Црна гора за викендот влегле повеќе луѓе отколку што земјата има жители

Во текот на изминатиот викенд, на граничните премини во Црна Гора се регистрирани 632.766 влезови на патници и 146.147 влезови на моторни возила.

Ова значи дека за два дена во Црна Гора влегле повеќе луѓе отколку што земјата има жители. Имено, според пописот од 2023 година, Црна Гора има население од 623.633, објавува N1.

Најголем сообраќај на патници и возила, според полицијата, е регистриран на граничниот премин Добраково меѓу Србија и Црна Гора, преку кој поминале 80.694 патници.

На граничниот премин Дебели Бријег е регистриран влез на 78.800 патници, Сукобин/Муриќани 72.937, Драченовац 67.155, Божај 44.283, аеродромот Подгорица 35.823, аеродромот Тиват 32.532 и пристаништето Котор 31.064 патници.
Минатиот викенд, граничниот премин меѓу Хрватска и Црна Гора (Карасовиќи-Дебели Бријег) целосно се урна, со редици долги повеќе од 20 километри на хрватската страна.

Патниците чекаа повеќе од 10 часа за да ја преминат границата на тропски температури, што доведе до активирање на Штабот за цивилна заштита на општина Конавле. Мештаните им делеа вода на луѓето и ги пуштаа во своите домови за да го користат тоалетот, а беа регистрирани и неколку случаи на патници кои завршиле во амбулантното возило.

Share on Facebook

Tweet

Follow us

Save