Во штипско пронајдено починато лице кое претходно било пријавено за исчезнато

Министерството за внатрешни работи извести дека во Штипско било пронајдено починато лице, кое претходно од својот внук било пријавено како исчезнато.

„На 13.06.2026 во 08:22 часот во СВР Штип е пријавено дека на некатегоризан пат помеѓу с. Јастребник и с.Бабиште, на непристапен терен на место викано „Блага јабука“, било пронајдено тело на починато машко лице. По преземени мерки и извршен увид било констатирано дека се работи за Ј.Д.(75) од Кочани, кој престојувал во с.Јастребник, а за кого на 01.06.2026 неговиот внук пријавил дека се оддалечил од домот. Телото било извлечено од екипа од Територијалната противпожарна единица Кочани и Доброволна планинарска служба Осогово. По наредба на јавен обвинител телото на починатиот било предадено на обдукција“, велат од МВР.

Share on Facebook

Tweet

Follow us

Save