Вработените во „Мекдоналдс“ и „Старбакс“ ширум Германија почнуваат со штрајк

Десетици илјади работници во ресторани и кафетерии како „Мекдоналдс“ и „Старбакс“ низ Германија започнаа штрајк.

Синдикатите НГГ повикаа на предупредувачки штрајк во таканаречената системска гастрономија, која меѓу другите ги вклучува и Бургер Кинг и Пица Хат, бидејќи втората рунда преговори за колективниот договор заврши без резултати, пренесува ДПА.

Понатамошните преговори во оваа гранка со 120.000 вработени треба да се случат дури во ноември – подоцна од првично планираното.

НГГ ги критикуваше работодавците дека во вториот круг „не мрдале ни милиметар според барањата на вработените“.

– Затоа штрајкуваме, изјави главниот преговарач на ресторанот Марк Баумајстер.

Цените во Германија пораснаа во последните неколку години, потсети Баумајстер, додавајќи дека вработените имаат „огромна потреба да добијат зголемени примања.

„Очекуваат вистинско олеснување и значително повеќе пари – наместо тоа, работодавачите не донесоа ниту нова понуда за вториот круг преговори. Тоа е апсолутно непочитување кон вработените.

НГГ бара, меѓу другото, почетна плата од 15 евра на час за најниско платените вработени.

Share on Facebook

Tweet

Follow us

Save