ВРВОТ НА АДМИНИСТРАЦИЈАТА НА ТРАМП ТАЈНО СЕ СОБРАЛ ВО КЕМП ДЕЈВИД: Главни теми Иран и војната во Јемен

Некои од најмоќните луѓе во американската администрација одржале затворен состанок во Кемп Дејвид на кој се разговарало за Иран и драматичната ескалација меѓу Саудиска Арабија и Хутите.

Според американските медиуми, состанокот го водел потпретседателот Џеј Ди Венс.

На него учествувале државниот секретар Марко Рубио, секретарот за одбрана Пит Хегсет, директорот на ЦИА Џон Ретклиф, претседателот на Здружениот генералштаб генерал Ден Кејн, министерот за финансии Скот Бесент и специјалниот претставник на Белата куќа Стив Виткоф.

Белата куќа не објави детално што било договорено.

Еден американски функционер цитиран од медиумите рекол дека на состанокот „биле донесени одлуки или барем темелно дискутирани“.

Рубио потврди дека состанокот се одржал, но се обиде да го претстави како дел од нормалното долгорочно стратегиско планирање на американската администрација.

Сепак, моментот во кој се одржува состанокот го прави особено значаен.

САД го зголемуваат своето воено присуство во регионот, конфликтот со Иран останува нерешен, а истовремено Саудиска Арабија повторно е вовлечена во жестока војна со Хутите.

Тоа значи дека Вашингтон мора паралелно да разгледува повеќе сценарија – од продолжување на притисокот врз Техеран до можност за многу поширока регионална ескалација.

Share on Facebook

Tweet

Follow us

Save