Времето денеска сончево со максимална температура до 21 степен

Времето денеска ќе биде сончево со мала локална облачност, со можна појава на магла по одделни котлини во утринските часови.

Како што информираат од УХМР, ќе дува слаб до умерен ветер од северен правец, поизразен долж Повардарието, додека минималната температура ќе биде во интервал од -2 до 8, а максималната ќе достигне од 14 до 21 степен.

Во Скопје утрово постудено со услови за појава на слаба магла. Во текот на денот претежно сончево со слаб до умерен ветер од северен правец. Минималната температура ќе се спушти до 2, а максималната ќе достигне до 20 степени.

Share on Facebook

Tweet

Follow us

Save