Вториот товарен брод го напушти украинското пристаниште и покрај руската блокада
Вториот товарен брод денеска исплови од украинското црноморско пристаниште Одеса и покрај руската поморска блокада и едностраната одлука во јули да не се продолжи меѓународниот договор за извоз на жито.
Бродот, кој сега се вика „Примус“ и плови под знамето на Либерија, го напушти пристаништето во саботата наутро, според онлајн веб-страницата за следење бродови MarineTraffic. Не се знае дали превезува товар.
„Примус“ пристигна во Одеса во февруари, а тогаш се нарекуваше „Поларстар“. Оттогаш го смени сопственикот и сега припаѓа на бродска компанија со седиште во Сингапур.
Руската поморска блокада и претходно беше заобиколена. Германскиот контејнерски брод „Јозеф Шулте“ исто така исплови од Одеса во август и успешно помина низ коридорот за трговски бродови во Црното Море, воспоставен од Украина. (МИА)
ПОВРЗАНИ ВЕСТИ
Филипче: Наместо економски бум, Македонија тресна на…
Претседателот на СДСМ, Венко Филипче, вечерва укажа…
Украина дозволи двојно државјанство за справување со…
Парламентот на Украина денес усвои нов закон…
Евакуирани дел од американските дипломати во Израел
Двајца американски претставници велат дека владин авион…
Филипче: Скопје е затрупано со ѓубре, Мицкоски…
Претседателот на СДСМ, Венко Филипче, се обрати…
Утре ќе има боево гаѓање кај делчевското…
Поради боево гаѓање со огнено оружје, утре…