Вулин го демантира О’Брајан: Не извезуваме оружје во Украина, сакате да нѐ скарате со Русија

Потпретседателот на Владата на Република Србија, Александар Вулин, ги отфрли тврдењата на американскиот помошник државен секретар Џејмс О’Брајан дека Србија го испраќа своето оружје на украинските сили, оценувајќи дека американскиот функционер се обидува да се скара меѓу Србија и Русија со таквите наводи.

„Доколку некое од српското оружје се најде на бојното поле, тоа е кршење на секоја меѓународна процедура која гарантира дека оружјето ќе заврши таму каде што предвидува договорот, а Украина не е предвидена во ниту еден договор“, рече Вулин, нагласувајќи дека Србија не учествува во вооружувањето на една од конфликтните страни во Украина и дека американскиот помошник државен секретар за европски и евроазиски прашања Џејмс О’Брајан го знае тоа и затоа неговиот злобен обид да ја скара Србија со Русија не може да успее.

„Србија, со цел да спречи злоупотреби, воведе и обврска на купувачот да гарантира дека нема да има пренос или препродажба на оружје на трети страни без согласност на Србија. Србија избра да води независна политика и политика на воена неутралност. а О’Брајан нема право да го толкува тоа што го избравме и особено да не зборува во име на Србија Има доволно земји на Балканот што му го дозволуваат тоа, Србија не е една од нив.

Во вчерашната изјава за Танјуг, О’Брајан рече дека „поддршката за Украина е од витално значење“, и дека земјата „се залага за основниот принцип на територијален интегритет“.
„Знам дека претседателот Вучиќ зборува за овој принцип. Ние не се согласуваме околу некои негови примени, но во овој контекст, она што Србија го прави ставајќи го своето оружје на располагање е да и помогне на Украина да се бори за основниот принцип на меѓународното право, и го поздравуваме“, рече О’Брајан.
Вули го потсети О’Брајан на двојните стандарди што ги применуваат САД кога станува збор за принципот на територијален интегритет:

„Значењето на принципот на територијален интегритет е дека границите се неповредливи. Тоа важи за сите земји или ниту една од нив. Со признавањето на таканареченото Косово, САД и другите земји кои го убиле меѓународното право со нивната агресија врз Србија, започнаа процеси кои се незапирливи и за кои никој не може да каже каде ќе се изрази“.
„Вооружувањето на таканаречената косовска армија и зборувањето за мир е исто како да пуштате змија во лулка и да зборувате за екологија, исто како што не можете да се повикате на Дејтон и да се заканувате дека ќе ја укинете РС или ќе гласате за резолуцијата за Сребреница и да тврдите дека тоа не е насочено против Србите“, додаде тој.

Share on Facebook

Tweet

Follow us

Save