Вучевиќ ги плаши Македонија и Црна Гора со судбината на Украина

Српскиот министер за одбрана, Милош Вучевиќ, практично ги заплаши Македонија и Црна Гора со судбината на Украина.

– Направивте грешка и ќе ви се удри од глава, како што ѝ се удри на Украина и сите оние кои го признаа Косово како независна држава. Тие ја отворија Пандорината кутија. Потполно смешни се обидите на нивните бирократи да објаснат дека Косово е специфичен и единствен случај. Не им верувам ниту на Тирана, ниту на Албин Курти, кажа Вучевиќ во гостивање на ТВ Пинк и додаде дека Скопје и Приштина не можат да спијат спокојно.

– Кога се дел од НАТО тие сметаат дека сите проблеми им се решени и дека ништо не може да им се случи. Тоа постојано се зборува во Македонија и во Црна Гора. Во Македонија 25% од Албанците, ја имаат 50% од власта во државата. Ако тоа е во ред за Македонците, во ред е и за нас, вели Вучевиќ.

Share on Facebook

Tweet

Follow us

Save