Вучиќ: Ги повикувам државните органи целосно да го обезбедат утрешниот нелегален собир

Што се однесува до утрешниот протест, сакам да ви кажам дека собирот е незаконски, не е пријавен кај надлежните. Но, ние сме многу демократска земја и нема да го спречиме. Ги повикувам сите надлежни органи да помогнат собирот да помине мирно, изјави претседателот на Србија, Александар Вучиќ.

Тие што го нарушуваат мирот ќе бидат уапсени и најстрого казнети“, рече Вучиќ во вечерашното обраќање до јавноста.

– „Кога зборувам за незаконско однесување, мислам на спречување на слободата на движење загарантирана со Уставот на сите граѓани на Република Србија на територијата на повеќе од 150 општини во Република Србија, каде и да се појават 10, 20 или 500 или 5.000 лица, без никакви формални пријави поднесени во согласност со законот до надлежните државни органи, толериравме, трпевме, пуштивме се, а некои мислеа дека е можно незаконската состојба и незаконското однесување да трае вечно“, посочи Вучиќ.

Share on Facebook

Tweet

Follow us

Save