INFOMAX.MK

Тој ќе положи заклетва пред стариот состав на Собранието, бидејќи се уште не се објавени конечните резултати од парламентарните избори одржани на 3 април 2022 година

Според законот, никој не може да биде избран за претседател на Републиката повеќе од два пати, без разлика колку траеле неговиот прв и втор мандат

Претседателот на Србија, Александар Вучиќ денеска ќе положи заклетва на вонредната седница на Собранието на Србија, со која ќе започне уште еден петгодишен мандат.

Александар Вучиќ по вторпат беше избран за претседател во првиот круг од изборите на 3 април, кога освои 2 224 914 гласови, што е околу 59 отсто.

Тој ќе положи заклетва во 11 часот пред стариот состав на Собранието, бидејќи се уште не се објавени конечните резултати од парламентарните избори одржани на 3 април 2022 година.

Вучиќ заклетвата за својот прв мандат ја положи пред точно пет години, на 31 мај 2017 година, а за прв пат, покрај Уставот, претседателот положи заклетва и на Мирославовото Евангелие, најстариот зачуван кириличен ракопис.

Според законот, никој не може да биде избран за претседател на Републиката повеќе од два пати, без разлика колку траеле неговиот прв и втор мандат.

Мандатот на претседателот на Републиката престанува со истекот на мандатот за кој е избран, а може да заврши и пред тоа време доколку поднесе оставка или биде разрешен.

Текстот е преземен од 360степени