Вучиќ: Додик во Србија нема да биде уапсен, секогаш е добредојден

Претседателот Александар Вучиќ изјави дека Милорад Додик нема да биде уапсен на територијата на Србија, велејќи дека претседателот на Република Српска е секогаш добредојден.

Тој одговори на новинарско прашање по седницата на Советот за национална безбедност што ја претседаваше за тоа дали Додик ќе биде уапсен доколку надлежните органи на Босна и Херцеговина издадат потерница по него додека е во Србија.

„Сите надлежни државни органи се должни да ги почитуваат одлуките на Советот за национална безбедност. Милорад Додик е добредојден на територијата на Република Србија, тој е претседател на Република Српска, легитимно и легално избран, а фактот што некои сега го прават херој ме прави малку љубоморен на Милорад, да бидам искрен. Значи, дали ќе руча, ќе појадува или ќе оди да гледа некаков спорт, тоа е негова работа. Тој е секогаш добредојден во Србија“, рече Вучиќ.

Share on Facebook

Tweet

Follow us

Save