Вучиќ: Допрва ќе следуваат тешки одлуки…

Претседателот на Србија, Александар Вучиќ, најави дека утре ќе има многу долги разговори со претседателката на Европската комисија, Урсула фон дер Лајен.
„Утре ќе имаме разговори во текот на денот и во текот на вечерта. Освен официјалните разговори, и она што го објавуваме јавно, ќе разговараме и приватно и по вечерата за важни прашања за Србија“, изјави тој на ТВ Хепи.

Вучиќ истакна дека ситуацијата била многу комплицирана и тешка, но дека смета дека ја спасил Србија и покрај тоа што и денес никој не може да се чувствува добро, бидејќи тоа е невозможно се додека на Косово се врши терор врз српскиот народ.

Тој посочи дека допрва ќе има многу тешки работи и тешки одлуки, но дека надлежните знаат што им е дозволено, колку време им е дозволено и дека во се е важно државата да оди напред.

Share on Facebook

Tweet

Follow us

Save