Вучиќ за Косово: Никогаш не сме биле во потешка ситуација

Српскиот претседател Александар Вучиќ на прес-конференција рече дека ситуацијата за српскиот народ на Косово и Метохија е многу комплицирана и сложена.

„Тоа трае со децении, многумина не сакаат да слушнат за вистинските проблеми со кои се соочува нашиот народ, многумина го сведоа својот став на „Косово е Србија“ и тоа е се. Никогаш не сме биле во потешка ситуација“, изјави Вучиќ.

Според него, режимот во Приштина се обидува да го искористи расположението во светот.

„Донесоа одлука да им наметнат на луѓето на северот на Косово работи што не можат да ги наметнат. Испратија две единици со 21 тон гориво на административните премини, со желба да ги спречат оние што имаат српски лични карти. Сето ова треба да започне вечерва на полноќ, а во исто време да ги убеди Србите да се откажат од табличките на КМ“, рече Вучиќ.

Share on Facebook

Tweet

Follow us

Save