INFOMAX.MK

Претседателот на Србија, Александар Вучиќ зборуваше за состојбите во светот, војната во Украина, жестокиот напад врз Ростовската област, прекинот на транзитот на рускиот гас, како тоа ќе се одрази врз земјите од Европа но и за состојбите во Србија и незадоволстото кај студентите. Тој вели дека Кина го „предупредила“ дека следува обоена револуција.

Кинеско предупредување за обоена револуција

Вучиќ вели дека од Кина добиле информации за подготовката на обоената револуција во Србија.

– Кинеските пријатели ме информираа за организацијата на обоената револуција во Србија, ми кажаа како е точно со нив.

Во врска со нападот врз Ростовската област, Вучиќ вели:

– Путин денеска изјави дека де факто, по жестокиот напад на Украина врз Ростовската област, тоа е најточното оружје што го добиле од Американците и Британците во војната. Кога Русија вели дека НАТО се подготвува за војна, дава точни информации, кога НАТО вели дека Русија се подготвува за конфликт со НАТО, не се сомневам дека е точно. Што ќе се случи, не верувам во брзо примирје. И Путин и Русија изгубија многу луѓе за само да се согласат да ја замрзнат ситуацијата, Украина изгуби многу луѓе за само да се согласи на лесно губење на дел од територијата – вели Вучиќ.

Тој додава дека имал надеж поради доаѓањето на Трамп на власт, но таа надеж се намалува.

– Денеска освен овие страшни настани се случија и други лоши работи – потпис на украинскиот премиер кој рече дека од 7 часот наутро на 1 јануари гасот повеќе нема да тече низ Украина. Словачка и Австрија се погодени од ова. Словачка е во најтешка ситуација. Како што неофицијално дознавам, во понеделник Фицо ќе оди кај Путин како лидер на земја од ЕУ, што не морам да кажам каква реакција ќе има од другите лидери и тоа уште повеќе ги комплицира работите.