Вучиќ најави: Ќе нема граѓанска војна – Србија е под напад, но ќе опстане

Српскиот претседател Александар Вучиќ остро реагираше на најновите случувања и обвини дека зад протестите, блокадите и обидите за дестабилизација стојат милијарди евра и странски интереси. Тој во емисијата „Хит Твит“ истакна дека нема да дозволи граѓанска војна во Србија и дека ќе продолжи да се бори за мир и стабилност во земјата.

„Србија е подобра од мене, но мораме да се соочиме со многу поголеми проблеми од блокадите – како апсењата на нашите луѓе во Косово и постојаните провокации“, рече Вучиќ, алудирајќи и на апсењето на Игор Поповиќ. Додаде дека бил свесен за насилството на протестите, но дека намерно не наредил нивно насилно растерување за да избегне крвопролевање.

Според него, целта на овие обиди за нестабилност е воспоставување „послушно водство во Србија“, при што обвини дека се инвестирани милијарди евра за политички притисоци и манипулации.

Во емоционален дел од интервјуто, Вучиќ откри дека неговото семејство често е мета на навреди, но изјави дека не сака да се прикажува како жртва. Тој најави дека мандатот му завршува за година и пол, но предупреди дека претстојните избори се „многу поважни отколку што луѓето мислат“.

Share on Facebook

Tweet

Follow us

Save