INFOMAX.MK

Претседателот на Србија, Александар Вучиќ истакна дека Белград е секогаш отворен за дијалог со Приштина и дека е подготвен да оди во Брисел за да го продолжи дијалогот со Курти, но дека Србија нема да дозволи прогон на нејзиното население и дека се очекува да се појави со далекусежни и важни предлози пред Собранието на Србија веќе во текот на октомври, пренесува Блиц.

Србија е во тешка ситуација во однос на Косово и Метохија – болна точка

„Србија денес е во не лесна правна и политичка ситуација во однос на Косово и Метохија, економски многу добра, можеби дури и одлична. Она што останува наша најболна точка е Косово и Метохија. Пред да укажам на конкретни мерки, сакам да го истакнам контекстот во неколку реченици со кои ги носиме мерките што ќе ги презентираме“, рече Вучиќ.

Според Вучиќ, какви предлози и да даде Србија, „сите би биле против“.

„Иако јас сум претседателот кој водеше најмногу разговори, многумина ја немаат видено другата страна. Нема чудотворец кој може да им донесе добро решение на Србите за Косово и Метохија. Го знам секое српско село, речиси секоја српска куќа во Косово и Метохија ги знам сите проблеми, знам дека нема добро решение исто така и за оние кои доаѓаат од Запад“, рече Вучиќ, пренесе Блиц.