Вучиќ: Посетата на претседателот Си Џинпинг е најголема чест за Србија

Претседателот на Србија, Александар Вучиќ оцени дека посетата на кинескиот претседател Си Џинпинг е најголемата чест за Србија, како и дека неделата зад нас е исклучително важна, бидејќи во неа се запишани историјата и иднината на Србија.
„Посетата на претседателот на Република Кина Си Џинпинг беше најголема чест за нас и им благодариме на сите граѓани кои покажаа колку срце има нашата мала Србија и каков однос имаме кон Република Кина и нашите кинески пријатели. “, напиша Вучиќ на Инстаграм.

Како што додаде, му рекол на претседателот Си дека како лидер и претседател на голема сила ќе сретне почит насекаде во светот, но таква почит и таква љубов нема да сретне никаде како во Србија.

„Уште еднаш, им благодарам на претседателот Кси и на гордата кинеска нација за секој вид помош, соработка и поддршка што ја покажуваат кон Србија. Ние веќе направивме многу заедно, но знам дека можеме и мораме да направиме многу повеќе бидејќи за овој вид на пријателство, почит и лојалност – само небото е граница“, рече Вучиќ.

Share on Facebook

Tweet

Follow us

Save