Вучиќ предлага нови мерки: Шестмесечно тестирање на средношколците за дрога, снижување на старосната граница за одговорност на малолетници, забрана на интернет сајтови…

„Ужасно злосторство се случи во едно од трите најдобри училишта во земјата“, рече српскиот претседател Александар Вучиќ на денешната прес-конференција по трагедијата која се случи во Белград денеска.

-„Полицајците си ја завршија работата и пред да се случи се. Обезбедувањето беше добро. Човекот кој беше убиен дури и разменуваше пораки со момчето. Тој беше добриот дух на училиштето“.

„Момчето чудно објасни во својата изјава дека сето тоа го планирало. Велат дека се заканувал со бомби и претходно. Ве молам, не измислувајте. Никогаш не се заканувал. Планирал да фрли молотови коктели за да не влезе никој додека не го заврши тоа што го планирал. Сепак, тој се исплашил по првиот коктел, па престанал“.

„Тој барал од родителите да биде префрлен во друго одделение на училиштето. Беше најдобриот ученик и сите го избегнуваа. Бараше да биде префрлен на место каде што има тројца пријатели и добро се снајде. Немаше што да каже за неговите родители , освен што од него бараа само подобри резултати. А нешто послаби резултати имал само кога бил заљубен. Не се снашол ниту во новиот клас и реши да направи монструозен чин“.

„Тој го чекал денот и се подготвувал. Три пати бил на стрелиште со татко му. Користеше пушка калибар 9 мм. Тој е добар стрелец. Пронајдени се 57 чаури и пронајдени шест куршуми. Четири рамки од по 18 куршуми. Неговиот татко е почесен член на стрелиште”.

„Државните институции, можеби случајно, си ја завршија работата во овој случај“.

Претседателот потоа го прочита извештајот на лекарот за повредата на момчето кога беше удрен во актерската школа во 2021 година.

„Гледаме два проблема, едниот е секако односот во семејството и што прави дете кое нема 14 години во стрелиште, а вториот е дека од шемата што ја нацртал може да се види дека играл некаква игра. Во тие игри имаат повеќе животи. Гледате дека не разбира што направил. За некои стана херој на социјалните мрежи“.

„Што да правиме? Не можеме да ги вратиме децата. Може да се обидеме, но никогаш нема да дознаеме дали сме успеале, барем да спречиме нова национална трагедија“…

Вучиќ најави дека ќе предложи неколку мерки, воведување мораториум за издавање дозвола за носење на оружје, ревизија на сите издадени дозволи за оружје, контрола на кој начин лицата кои имаат оружје го користат оружјето, контрола на работата на сите стрелишта и нови мерки и забрани за нив, меѓу кои и забрана за влез на малолетници во стрелиштето…

Кривично-правна одговорност за лица кои овозможуваат на малолетни лица да ракуваат со оружје, да се разгледа можноста за кривично-правна одговорност на малолетните лица односно снижување на старосната граница, ограничување на правата на медиумите да емитуваат програма која може да наштети на развојот на децата и последниот предлог на Вучиќ е тестирање на секои пест месеци за дрога и наркотици на средношколците, како и мобилни тимови за врсничко насилство и забрана за пристап до неколку опасни сајтови кои имаат содржини со инструкции како да се изврши убиство, да се направи дрога и слично…