Вучиќ пушти во употреба уште еден автопат

Секој изграден километар од автопатот е заедничка победа на државата и народот, ова се големи работи кои го менуваат ликот на нашата земја, изјави претседателот на Србија, Александар Вучиќ на свеченото отворање на новиот автопат од Рума до Шабац, во должина од 24,6 километри.

„Автопатот ќе значи доаѓање на нови инвестиции за Шабац и верувам дека до крајот на 2024 година можеме да го завршиме брзиот пат до Лозница. Ова ќе привлече инвеститори во Мали Зворник, Крупањ, Љубовија и цело Подриње. Новите патишта ќе им помогнат и на источниот дел на Република Српска и на Босна и Херцеговина“, нагласи Вучиќ.

Пред свеченото отворање на автопатот Рума-Шабац, претседателот Вучиќ заедно со премиерката Ана Брнабиќ и министрите на Владата на Србија, дел од оваа делница ја патуваа со отворен автобус и одговараа на новинарски прашања.

Share on Facebook

Tweet

Follow us

Save