Вучиќ: Расте бројот на странски инвестиции од Азија

Српскиот претседател Александар Вучиќ изјави дека се зголемува бројот на инвестиции од Азија, особено од Кина и Јапонија.
Тој рече и дека расте бројот на инвеститори од Јужна Кореја.

„Останува да ги зајакнеме Емиратите, Индија, да работиме со други азиски инвеститори. Ќе привлекуваме се повеќе и повеќе од тие земји од истокот во иднина“, рече тој, гостувајќи на ТВ Прва.
Вучиќ рече дека очекува вкупните приходи на ИТ секторот годинава да бидат над 3,6 милијарди евра, што значи дека тие го надминуваат земјоделството во однос на БДП, што, како што истакна, не било можно пред 10, 15 години.

Наведе дека нивото на инвестиции од почетокот на годината до сега е 4 милијарди 195 милиони евра, а дека очекува до крајот на годината да биде од 4,42 до 4,45 милијарди, што е рекорд.
Очекуваме стапка на раст од 2,7, но ќе го повториме нивото на инвестиции“, рече Вучиќ и додаде дека привлекувањето инвестиции е најважно, бидејќи државата живее од тоа.

„Нашата земја живее од неа. Нашите пензионери живеат од неа, нашите студенти, ние со неа плаќаме за се во оваа земја. Без тие инвестиции не би можеле ништо од тоа. Тоа не се некои апстрактни бирократски бројки, колку повеќе инвестиции од различни страни, тоа ќе бидат повисоки плати, тоа ќе бидат повисоки пензии“, рече Вучиќ.

Share on Facebook

Tweet

Follow us

Save