Вучиќ: Сакам Србија да биде безбедна и развиена како Обединетите Арапски Емирати

Претседателот на Србија, Александар Вучиќ, денес пристигна во Абу Даби, каде што на аеродромот го пречека шеикот Мохамед бин Хамад бин Тахнун Ал Нахјан, советник на претседателот на Обединетите Арапски Емирати, шеикот Мохамед бин Зајед Ал Нахјан.

Вучиќ со тоа ја започна својата посета на Обединетите Арапски Емирати, за време на која ќе учествува на церемонијата на отворање на Неделата на одржливост 2026, а ќе одржи и средба со домаќинот на настанот, претседателот на ОАЕ, шеикот Мохамед бин Зајед Ал Нахјан.

Претседателот на Србија на својот Инстаграм профил напиша дека со нетрпение очекува средба со претседателот на ОАЕ и му се заблагодари за поканата да учествува на еден од најголемите глобални собири посветени на одржливиот развој, кој, како што нагласи, носи порака за споделена одговорност за иднината на планетата.

Share on Facebook

Tweet

Follow us

Save