Вучиќ самоуверен: Ќе разговараме со Американците за царините, брзо ќе го решиме тоа

Српскиот претседател Александар Вучиќ вечерва во Софија изјави дека царините на Трамп за Србија се пресметани по чудна формула и дека имаме различни бројки и дека е уверен дека овој проблем ќе го решат во следните три месеци, а можеби и поскоро, пренесе „Радио Слободна Европа“.

„Тоа е чудно од многу причини, но луѓето да не се грижат, ќе го решиме, ќе се погрижиме. Сигурен сум дека ќе можеме да разговараме со нашите американски партнери и со претседателот Трамп“, изјави Вучиќ на новинарите.

Тој посочи дека тоа е проблем за „Југоимпорт“, „Прв Партизан“ и производителите на гуми, особено за камиони и автобуси, „Тојота Тир“ и „Линглонг“. Ова се важни прашања за Инѓија и Зрењанин.

„И затоа ќе погледнеме како и на кој начин да го решиме. И убеден сум дека во следните, можеби и пократко, но во следните три месеци ќе го решиме овој проблем. Не можам да гарантирам, но сигурен сум и верувам дека ќе го решиме ова прашање“, рече Вучиќ, пренесе „Танјуг“.

Share on Facebook

Tweet

Follow us

Save