Вучиќ се закани со кривична пријава откако зетот на Трамп се повлече: Лично ќе се погрижам да одговараат сите што ѝ наштетија на Србија

Српскиот претседател Александар Вучиќ рече дека со „кампањата и хајката што била водена, неговата опозиција успеала да уништи сè, со цел сè да се оцрни, да се разори Србија, да се остави без инвеститори и така да исчезне од мапата на успешни земји“.

По веста дека зетот на американскиот претседател Доналд Трамп, Џаред Кушнер, се повлекол од планираниот проект за изградба на хотел „Трамп“ во Белград, откако проектот предизвика протести и поднесување обвинение против министерот за култура Никола Селаковиќ, по ова прашање се огласи и претседателот на Србија, објави „Нова“.

— Горд сум на сите оние кои се обидоа да доведат таков инвеститор. Со кампањата и хајката што беше водена, успеавме сè да уништиме. Кампањата започна како поддршка на блокадерската хајка, со цел сè да се оцрни, да се разори Србија, да се остави без инвеститори и на тој начин да исчезне од мапата на успешни земји. Изгубивме една исклучителна инвестиција. Лично ќе се погрижам сите што учествуваа во нанесувањето штета да одговараат за тоа — изјави Вучиќ.

Share on Facebook

Tweet

Follow us

Save