INFOMAX.MK

Претседателот на Србија Александар Вучиќ по средбата во Генералштабот и по повод вечерашните настани на Косово и Метохија им се обрати на граѓаните на Србија.

Претседателот рече дека средбата ја завршиле, а претходно генералот Мојсиловиќ разговарал со командантот на КФОР.

– Прифатени се обврските на двете страни. Имаше многу лаги и дезинформации. На полноќ командантот на КФОР ќе дојде во Косовска Митровица и ќе разговара со Горан Ракиќ – рече Вучиќ.

Како што вели, тие ги молеле меѓународните претставници да направат се што е можно за да се спречи тоа.

– Верувам дека ќе имаме добри вести. Се надевам дека тоа утре ќе биде деескалирано и дека ќе постигнеме мир со нови компромисни решенија – рече Вучиќ.

Како што вели, веројатно ни претстои најголемата политичка борба во наредните денови.

-Сакам да им се заблагодарам на оние кои ја поддржаа Србија, дури и на оние кои беа коректни и искажаа правилни ставови. Посебно сакам да им се заблагодарам на претставниците на Министерството за надворешни работи на Руската Федерација, кои реагираа на многу коректен начин – рече Вучиќ.

Како што вели, се прават напори за смирување на тензиите, бидејќи тоа, додава, е најважно.

– Колку и да е тешко, нема да има предавање и Србија ќе победи – изјави Вучиќ.