Вучиќ: Србија нема време за губење, мора да обезбедиме сигурна иднина

Српскиот претседател Александар Вучиќ ја сумираше претходната недела во објава на Инстаграм. Тој вели дека Србија нема време за губење, и дека мора да изгради сигурна иднина за целиот српски народ и за генерациите што доаѓаат.

Александар Вучиќ изјави дека саемот во Абу Даби покажал дека Србија е сериозен играч во одбранбената индустрија.

Тој потсетува дека во Нови Сад е отворена мегафабрика на еден од најголемите светски гиганти во областа на автомобилската индустрија, како и дека Србија била домаќин на меѓународен саем за туризам.

„Како и секогаш, имав исклучителна средба со нашиот искрен пријател, претседателот на Абу Даби, Мохамед бин Зајед Ал Нахјан, со кого и оваа средба беше од големо значење, не само во однос на натамошното проширување на нашите одлични билатерални односи, но и во контекст на дополнителен развој на нашата одбранбена индустрија“, рече Вучиќ.

Тој посочи дека фабриката „Континентал“ во Нови Сад претставува парадигма на српската визија за успех и напредок.

А таа визија е да станеме неприкосновени регионални лидери во економијата, инфраструктурата, здравството, образованието, културата, новите технологии, бидејќи имаме сила и интелигенција за тоа“, рече Вучиќ.

Тој најавува дека се чека реализација на голем број проекти, потпишување нови договори и доведување на повеќе инвеститори, бидејќи Србија „нема време за губење, без оглед на сложената глобална ситуација“.

Мораме да изградиме безбедна иднина за сите наши луѓе и за генерациите што доаѓаат“, рече Вучиќ.

Share on Facebook

Tweet

Follow us

Save