Вучиќ: Србија нема да го поддржи апсењето на Додик, Вишковиќ и Стевандиќ

Српскиот претседател Александар Вучиќ изјави дека налогот за апсење на претседателот на Република Српска (РС) Милорад Додик, премиерот Радован Вишковиќ и претседателот на Народното собрание на РС Ненад Стевандиќ е чин што не придонесува за мирот, туку напротив – води кон дестабилизација.

„Србија секогаш ќе се бори за мир, ќе го зачува мирот и ќе го почитува Дејтонскиот мировен договор, но исто така ќе стои со Република Српска и нејзиното раководство,“ истакна Вучиќ во видео објава на Инстаграм.

Тој нагласи дека Србија никогаш нема да поддржи апсење на Додик, Вишковиќ и Стевандиќ, особено не поради политички несогласувања со официјално Сараево и меѓународната заедница.

„Да живее Српска, да живее Србија!“, порача Вучиќ, пренесе Танјуг.

Обвинителството на Босна и Херцеговина, чие работење е оспорено во Република Српска, издаде наредба до судската полиција за приведување на тројцата функционери.

Share on Facebook

Tweet

Follow us

Save