INFOMAX.MK

Разговорите на српскиот претседател Александар Вучиќ со косовските Срби траеле цела ноќ, а еден од заклучоците по средбите е дека следните 72 часа ќе бидат најтешките во последните 10 години кога е во прашање Косово, дознава „Блиц“.

– Во живо и телефонски разговорите траеја до 5:30 часот утринава. Србите се револтирани. Последната капка беше разрешувањето на регионалниот директор на Северна Митровица, Ненад Ѓуриќ, за што Албин Курти нема ингеренции. Не може да се замени – вели извор на „Блиц“ запознаен со деталите од разговорот.

Според соговорник на Блиц, Курти вчера изјавил дека не го интересира Заедницата на српски општини.

– Србите сакаат да ги напуштат сите институции бидејќи немаат каде да одат – вели нашиот соговорник.

Според информациите на „Блиц“ за в сабота е закажана седница на Владата на Србија на која ќе присуствува и претседателот на Србија, Александар Вучиќ. Тој ќе ги информира членовите на Владата за состојбата на Косово.

Низа средби ќе имаат и Србите од Косово, а во сабота се очекува голем собир во Косовска Митровица каде на народот ќе им го откријат својот план.

– Ова ќе бидат најтешките 72 часа во последните 10 години, а во следните неколку дена многу работи ќе станат појасни – заклучува соговорник на Блиц.