Вучиќ: Ќе соопштиме добри вести за Косово, некои денес, некои за седум дена

Претседателот на Србија, Александар Вучиќ, по слетувањето во Минхен изјави дека очекува напорен ден, полн со изненадувања, но дека верува дека успешно ќе се бори за интересите на Србија и дека ќе може да им соопшти добри вести на граѓаните, некои денес, а некои за седум дена, а се во врска со Косово.

Вучиќ во видеото објавено на својот Инстаграм профил додека чека да излезе од авионот, потсети дека денеска се навршуваат 15 години од прогласувањето независност на Косово.

Тој најави дека во Минхен, каде што учествува на 59. Минхенска безбедносна конференција, ќе се сретне и ќе разговара со францускиот претседател Емануел Макрон и со германскиот канцелар Олаф Шолц.

Покрај тие средби, Вучиќ рече дека ќе има и низа средби со светски претставници, меѓу кои државниот секретар на САД, Ентони Блинкен, шефот на дипломатијата на ЕУ, Борел, министерот за надворешни работи на Велика Британија, Џејмс Клеверли, како и грчкиот премиер Киријакос Мицотакис.

Share on Facebook

Tweet

Follow us

Save