Галант: Оперативците на Хезболах се преплашени, таа милитантна група пропаѓа

Израелскиот министер за одбрана Јоав Галант денеска им изјави на припадниците на израелските одбранбени сили (ИДФ) дека оперативците на Хезболах, заробени и испрашувани од израелските сили се „преплашени“ и дека милитантната група поддржана од Иран „пропаѓа“.

„Затворениците ни кажуваат што се случува, дека се преплашени бидејќи знаат дека го немаат она што е потребно за да се справат со она што се случува, во смисла на сила, борбена способност, прецизност или решителност. Целата оваа голема формација ја нарекуваат Хезболах се распаѓа“, им рече тој на војниците на 98-та дивизија на ИДФ, објави „Тајмс оф Израел“.

Минатата недела, ИДФ објави видео од наводните членови на елитните сили Радван на Хезболах кои ги испрашуваат за плановите на милитантната група во јужен Либан и моменталната состојба на нејзините операции.

„Се движиме од ситуацијата да го поразиме непријателското село по село, кон уништување – креваме во воздух тунели и складишта за муниција и го победиме Хезболах“, рече Галант.

Според него, на секое место каде Хезболах се подготвувал да нападне израелски пограничен град, има војници на ИДФ.

Share on Facebook

Tweet

Follow us

Save