Гарланд во посета на Украина: Тука сум да ја изразам непоколебливата поддршка на САД за Украина

Главниот обвинител на САД Мерик Гарланд денес ја посети Украина да покаже поддршка во гонењето на руските сили обвинети за воени злосторства од страна на Киев.

Гарланд се сретна со генералниот обвинител на Украина Ирина Венедиктова, која е на чело на истрагата за, како што вели Киев, 16.000 пријавени воени злосторства на Русија откако ја нападна државата пред речиси четири месеци.

Русија негираше дека цели на цивили во Украина.

„Тука сум да ја изразам непоколебливата поддршка на САД за народот на Украина во време на неиспровоцирана и неправедна руска инвазија“, рече Гарланд и додаде: „САД испраќаат непогрешлива порака, нема место за криење. Ние и нашите партнери ќе ги следиме сите достапни патишта за да се увериме дека одговорните за овие злосторства одговараат“.

Во првото судење за воени злосторства во Украина минатиот месец, руски војник се изјасни за виновен, фатално пукајќи во невооружен цивил четири дена по почетокот на инвазијата на 24. февруари.

Вадим Шишимарин (21) е осуден за фаталниот напад врз 62-годишен Украинец на доживотен затвор.

Share on Facebook

Tweet

Follow us

Save