Германија бара итно отстранување на барикадите на „српските милитанти“ на северот на Косово

„По неколку недели ескалација, Министерството за надворешни работи на Германија бара што поскоро да се уништат нелегалните барикади поставени од косовските Срби, кои исто така претставуваат безбедносен ризик. Многу сме загрижени поради тензиите на северот на Косово“, изјавил портпаролот на Министерството за надворешни работи на Германија за австрискиот весник „Стандард“.

„Стандард“ наведува дека „милитантните националистички Срби поставиле блокади на патиштата на северот на Косово“.

„Во четвртокот на северот на Косово се одржаа демонстрации на кои беше истакнато големо српско знаме. Српските националистички милитанти кои подигнаа барикади и организираа демонстрации припаѓаат на приврзаниците на партијата Српска листа, која е под директна контрола на властите во Србија. Тоа ја доведува во прашање државноста на Косово и монополот на косовската држава за употреба на сила на северот на земјата“, наведува „Стандард“.

Share on Facebook

Tweet

Follow us

Save