Германија планира воведување на задолжителен воен рок

Германија ги разгледува опциите за враќање на задолжителниот воен рок, пренесуваат германските медиуми. Како што се појаснува, експертите од германскиот одбранбен ресор сметаат дека  во итни случаи не би било можно неколкукратно да се зголеми бројот на војници со помош на волонтери. Поради тоа, шефот на Министерството за одбрана на земјата Борис Писториус сака по примерот на Шведска да воведе нов вид воен модел.

– Соодветниот предлог министерот ќе го соопшти најдоцна на почетокот на јуни, откако на состанокот на раководството на организацијата во Оснабрук му биле претставени три концепти, пишува весникот „Велт ам зонтаг“.

Според првиот предлог, нема одредба за задолжителен воен рок, но се прават напори да се искористат сите можности за доброволно служење воен рок. Според оваа опција, сите граѓани кои наполниле 18 години ќе бидат регистрирани и ќе добиваат информативен материјал како мотивација за воената служба. Доколку има интерес, ќе следи консултативно интервју и анализа на потенцијалните можности .

Share on Facebook

Tweet

Follow us

Save