INFOMAX.MK

Германија претстојната зима може да ја дочека со полни складишта за гас и без увоз од Русија. Ова го оцени претседателот на Федералната агенција за мрежни системи (БНА), Клаус Милер, пренесува DPA.

„Излегуваме од зимата со релативно полни резервоари и тоа ни олеснува да го надополнуваме складиштето во текот на летото дури и без руски гас“, рече Милер пред годишниот преглед на залихите на 31 март.

Складиштата ги апсорбираат флуктуациите во потрошувачката на гас, како еден вид тампон зона на пазарот. Магацините беа исполнети до крај на 14 ноември.

Сега, според последните податоци, тие се на околу две третини, и покрај овогодинешниот страв дека претстои сериозна криза поради руското вртење на славината за гасоводот на крајот на август.

„Треба повторно да имаме полни складишта пред следната зима“, рече Милер. „Ако зимата е значително постудена, ќе ни треба значително повеќе гас.

Минатогодишното полнење на складиштата Милер го оцени како „голем успех“. „Полни магацини, благи температури и заштеда ни помогнаа добро да ја поминеме зимата.

Иако цени дека Германија секако може да се подготви, Милер повикува на претпазливост: „Добрата подготовка сепак значи заштеда на гас“.

Во меѓувреме, Германија го зголеми увозот од други извори и забрзано развива терминали за прием на течен природен гас.