Германска банка под истрага поради финансирање на еден од најголемите бордели во Европа

Германската регионална банка „Волксбанк Келн Бон“ е под истрага бидејќи во 2021 година одобрила кредит на кинески бизнисмен Ху Јинг за купување на еден од најголемите бордели во Европа, „Паша“ во Келн.

Во Германија проституцијата е легална, но се истражува дали еден од членовите на управата на банката можеби имал корист од одобрениот кредит.

„Волксбанк Келн Бон“ не ги коментира наводите на германскиот финансиски регулатор „БаФин“, кој побара информации за одобрениот кредит. Банката, исто така, наведе дека Јирген Нојтгенс, е невин сè додека не се утврдат сите околности и оти тој сè додека не заврши истрагата нема да доаѓа на работа.

Нојтгенс од 2018 година е одговорен за деловните клиенти, приватното банкарство и управување со ризици.

Според неиманувани извори, „БаФин“ истражува дали Нојтгенс зел провизија за одобрениот кредит.

Share on Facebook

Tweet

Follow us

Save