Германскиот град Кобург ги испрати посмртните останки на Фердинанд Први во Бугарија

Бугарскиот цар Фердинанд I по 76 години се враќа во Бугарија, пренесе БГНЕС. По неговата смрт во егзил во Кобург во 1948 година, неговата желба да биде погребан на бугарска почва сега е исполнета.

Во Кобург денеска се одржа богослужба во црквата „Свети Августин“, на која присуствуваше и амбасадорот на Република Бугарија во Берлин, Григор Порожанов.

„Мило ми е што денес, толку години по неговата смрт, се исполнува неговата голема желба и неговите смртни останки го наоѓаат патот до Бугарија. Денеска уште еднаш му благодариме на кралот Фердинанд I за сè што направи за Кобург, му посакуваме безбедно последно патување во неговата татковина и постојано почивалиште во неговата втора татковина Бугарија, во неговата сакана палата Врана во Софија“, рече градоначалникот Доминик Сауертег ( од Социјалдемократската партија на Германија).

Share on Facebook

Tweet

Follow us

Save