Германците ги чека тешка зима: Некој ќе мора да штеди

Ако Германија не заштеди гас во индустријата и енергетиката, тогаш земјата ќе се соочи со „тешка зима“, изјави германскиот министер за економија Роберт Хабек.

Според него, неопходно е поинтензивно да се користат германските термоелектрани на јаглен и да се полнат складиштата за гас.

Според телевизискиот канал „ЗДФ“, германскиот политичар летово планира да воведе и модел на аукција за гас. Во суштина, индустриските потрошувачи кои можат без гас ќе мора да ја намалат потрошувачката.

За потсетување, американската администрација ги повикува производителите на нафта и гас од целиот свет, вклучително и ОПЕК, да ја зголемат експлоатацијата за да ги намалат рекордните цени на горивото, изјави министерката за енергетика на САД, Џенифер Гринхолм.

– Американскиот претседател Џо Бајден побара од сите добавувачи ширум светот да го зголемат производството. Тоа ги вклучува ОПЕК и нашите домашни производители на нафта и гас – прецизира министерот во интервју за Си-Ен-Ен.

Share on Facebook

Tweet

Follow us

Save