Гир: Подобар од овој договор со Бугарија не може да се постигне

Амбасадорот на ЕУ, Дејвид Гир, вечерва во гостувањето на ТВ „21“ истакна дека нема да се постигне подобар договор со Бугарија по изборите.

„Според мене, тоа е невозможно. Верувам дека овој договор е најдобриот што можеше да се постигне. Компромис е. Не е совршен. Ниеден компромис не е совршен. Но ова е најдобриот договор“, порача Гир.

Тој додаде дека во процесот на проширување на ЕУ не постојат гаранции“, откако членови на опозициската ВМРО-ДПМНЕ и неколкумина пратеници рекоа дека сакаат гаранции од германската и американската влада дека по уставните измени, Бугарија повеќе нема да нѐ блокира.

Според Гир, постојат многу различни чекори кои мораат да се преземат, а членките треба да се согласат за сите.

„Искуството од минатото нѐ научило дека кога наидуваме на вакви тешкотии и имаме проблеми за нив кои ни дозволуваат да напредуваме, треба да се фокусираме на напредокот и реформите и проблемот ќе исчезне и ќе се решат вистинските прашања за реформите и основните работи кои влијаат врз секојдневниот живот на граѓаните“, вели Гир.

Share on Facebook

Tweet

Follow us

Save