Главниот бугарски обвинител побара да се протера висок функционер во руската амбасада во Бугарија

Главниот обвинител на Република Бугарија Иван Гешев и дал информации на министерката за надворешни работи Теодора Генчовска за нерегулирани разузнавачки активности, најверојатно во корист на Руската Федерација на дипломат кој со имунитет работи во Бугарија, јави БНТ.

Во текот на истрагата е утврдено дека лице кое ужива дипломатски имунитет се занимава со нерегулирано собирање информации од национално значење. Според главниот обвинител на Бугарија, тој е акредитиран како „прв секретар” во руската амбасада во Софија.

Според Гешев, ова е кршење на Виенската конвенција со која се регулираат активностите на странските дипломати во земјата каде што работат и им се забранува да се занимаваат со шпионажа.

Share on Facebook

Tweet

Follow us

Save