Годишната стапка на инфлација во САД била пет проценти во март

Годишната стапка на инфлација во најголемата светска економија била пет проценти во март, за цел процентен поен пониска од претходниот месец, лизгајќи се на најниското ниво од мај 2021 година, според Министерството.

Во јануари таа изнесувала 6,4 отсто, во декември 6,5 отсто, а во ноември 7,1 отсто. Била на својот врв во јуни минатата година, кога достигна 9,1 отсто, што е највисоко ниво од ноември 1981 година.

Без цените на храната и енергијата, базичната инфлација благо пораснала во март, од 5,5 на 5,6 отсто. На месечно ниво, потрошувачките цени останаа речиси непроменети и во март се зголемија за само 0,1 отсто, по растот од 0,4 отсто во претходниот месец.

Кога се исклучени енергијата и храната, месечната инфлација изнесува 0,4 отсто и е за 0,1 процентен поен пониска во однос на претходниот месец.

На месечно ниво, цените на енергенсите паднаа за 3,5 отсто, откако во февруари паднаа за 0,6 отсто. На годишно ниво е намалена за 6,4 отсто, по растот на цената од 5,2 отсто во февруари.

Цените на бензините и на мазутот се намалија за 4,6 односно 4 отсто на месечно ниво, а на годишно ниво се пониски за 17,4 и 14,2 отсто.

И струјата и гасот поевтинија за 0,7, односно 7,1 отсто во однос на претходниот месец. Во однос на ланскиот март, тие и понатаму се значително поскапи, за 10,2, односно 5,5 отсто. Растот на цените на бензинот, сепак, значително забави на годишна основа, бидејќи во февруари гасот беше поскап за 14,3 отсто во однос на истиот период лани.

Во споредба со ланскиот март, домаќинствата потрошиле 8,4 отсто повеќе пари за храна, но и 0,3 отсто помалку во однос на февруари, што покажува прво намалување на цените на храната на месечно ниво од септември 2020 година, соопшти Министерството.

Share on Facebook

Tweet

Follow us

Save