INFOMAX.MK

Русија синоќа го изврши еден од најголемите воздушни напади врз Украина во последно време, пренесуваат украинските медиуми повикувајќи се на извори во украинската армија и додаваат дека насилниот напад бил насочен кон критичната украинска инфраструктура во неколку украински региони.

Украинските воздухопловни сили соопштија дека нивната противвоздушна одбрана соборила дури 81 руска воздушна цел, и тоа 30 крстосувачки ракети Kh-101 и Kh-555, 4 крстосувачки ракети Калибр, една крстосувачка ракета Искандер-К и 46 борбени дронови од иранско производство од типовите Шахед 161 и Шахед 136.

Украинската воздушна одбрана соборила 35 од 53 руски ракети и 46 од 47 руски дронови, соопшти командантот на воздухопловните сили.

Во нападот има загинати цивили.

На социјалните мрежи се гледа како 63-годишен маж збунето и очајно се свртува кон својот дом откако руски проектил С-300 веќе го уништил во текот на ноќта. Во моментот на нападот работел во ноќна смена. Кога се враќа, ги наоѓа својата сакана сопруга и ќерка закопани под урнатините.

Во друг трагичен пример, татко очајно му се јавува на својот син, но никој не одговара.